Policia e Gjirokastrës ka ndaluar një të ri, i cili po dëmtonte automjetin e shtetasit H.K, banues në Gjirokastër. I ndaluari është shtetasi me inicialet D.G. Në orët e vona të natës, ky person po dëmtonte me mjete rrethanore automjetin tip “BMW” të parkuar në lagjen “18 Shtatori”.
Pas marrjes së informacionit policia është vënë në lëvizje duke e ndaluar të riun, në cantën e të cilit gjeti një sasi të vogël lënde narkotike dhe dy thika.
Materialet hetimore i kanë kaluar Prokurorisë së Gjirokastrës për veprime të mëtejshme. Ndaj të riut e rëndojnë dy akuza; shkatërrim i pronës dhe prodhim e shpërndarje e lëndëve narkotike.
©argjiroja.net
