Në fillim të muajit shtator drejtori i ri i Ujësjellësit në Gjirokastër, Gentian Llogo, i ndërpreu lidhjen e ujit Ndërmarrjes së Trajtimit Studentor, për shkak të një borxhi të papaguar rreth 25 milionë lekë të vjetra.
Por rreth një javë para se të nisë viti i ri akademik, dy institucionet kanë gjetur një marrëveshje për shlyerjen e borxhit gradualisht me këste.
Këtë e bën me dije drejtoresha Doriana Demo gjatë një prononcimi për Tv Gjirokastra. Sipas saj është bërë një padi penala ndaj ish-drejtorit të Nikolla Buka për shpërdorim të fondeve, si dhe për mosshlyerje të faturave të ujit. Por deri më tani s’ka asnjë lëvizje nga Prokuroria për këtë çështje.
©argjiroja.net
