Në ndeshjet e fundit në kampionat dhe Kupën e Shqipërisë, Luftëtari kishte probleme dëmtimesh e sidomos ajo që shqetësonte ka qenë portieri grek Panajotis Paiteris. I kthyer në një nga pikat e forta të Luftëtarit, “gardiani” u dëmtua afro një muaj më parë dhe nuk luajti me Laçin në kampionat, ndaj Turbinës në Kupë dhe në Korçë.
Por, portieri është gati dhe ndaj Bylisit pritet që të jetë në fushë nga minuta e parë duke bërë rokadën me të riun vendas Avernold Qyrani, i cili ka bërë prezantime dinjitoze.
Gjirokastritët kanë tre portierë, Paiteris, Qyrani e Basha, ndërsa tashmë e gjithë vëmendja në kampin bluzi është e përqendruar totalisht te sfida e radhës në kampionat, ajo me Bylisin që do të zhvillohet në fundjavë në “qytetin e gurtë”!
