Mijëra punonjës që aktualisht punojnë në shtet dhe në ndërmarrjet në pronësi publike do të përballen me dramë në pleqërinë e tyre, pasi institucionet ku ata punojnë nuk i paguajnë detyrimet për sigurimet shoqërore.
Drejtoria e Përgjithshme e Tatimeve, nëpërmjet një kërkese me të drejtë informimi nga Revista “Monitor”, vuri në dispozicion një listë në përbërjen e së cilës aktualisht janë 1171 institucione dhe ente publike që nuk kanë paguar sigurimet shoqërore dhe ato shëndetësore për personelin e tyre.
Lista e borxhlinjve dominohet nga ndërmarrjet e ujësjellësit, ish-komunat, klubet e futbollit, sh.a.-të shtetërore, qendrat shëndetësore, zyrat arsimore, repartet ushtarake, madje edhe institucione të larta të administratës publike, si Kuvendi i Shqipërisë, madje gjykatat dhe drejtori të ndryshme në Tatime dhe në Dogana. Sa i përket Gjirokastrës, institucionet që nuk paguajnë sigurimet shoqërore për punonjësit e tyre janë si më poshtë.
1. Ndërmarrja Komunale Gjirokastër
2. Bordi i Kullimit Gjirokastër
3. Prokuroria e Rrethit Gjirokastër
4. Këshilli i Qarkut Gjirokastër
5. Qendra Shëndetësore Gjirokastër
6. Dogana Gjirokastër
7. Qendra Kulturore Gjirokastër
8. Drejtoria e Rajonit Jugor Gjirokastër
9. Qendra Shëndetësore Lazarat
10. Qendra Ekonomike e Arsimit Gjirokastër
11. Drejtoria e Sigurimeve Shoqërore Gjirokastër
12. Drejtoria e Statistikës Gjirokastër
13. Drejtoria Arsimore Gjirokastër
14. Bashkia Gjirokastër
15. Ndërmarrja Ujësjellës-Fshat Gjirokastër
16. Ujësjellës Kanalizime Gjirokastër
17. Qendra Shëndetësore Lunxhëri
18. Qendra Shëndetësore Cepo
19. Qendra Shëndetësore Odrie
20. Qendra Shëndetësore Kolonjë
