Bëni si them unë, mos bëni si bëj unë. Pak a shumë kjo shprehje i shkon ndonjëherë përshtat edhe oficerëve të Policisë së Shtetit, të cilët ndonjë rast i shkelin vetë rregullat dhe ligjet, të cilat ia kërkojnë me përpikmëri qytetarëve. Foto që shihni është shkrepur në Gjirokastër, pranë një supermarketi.
Furgoni i patrullës “Shqiponja” është parkuar sipër trotuarit, duke vështirësuar në këtë mënyrë edhe kalimin e këmbësorëve. Nëse do të ishte ndonjë qytetar i zakonshëm, hapej blloku i gjobave dhe fleta 1 mijë lekëshe ngjitej sipër xhamit. Po në këtë rast kush gjobit? Askush, thjesht e denoncojnë qytetarët përmes kësaj fotografie që kanë nisur tek Argjirolajm.net
Le të shpresojmë se ky është një rast i izoluar dhe nuk do të përsëritet më herë tjetër. Trotuarët janë për këmbësorët, jo të parkojnë automjetet. Aq më tepër kur bëhet fjalë për makinat e policisë. Kjo nuk është policia që duam!
©argjiroja.net
