Argjirolajm.net mëson të tjera detaje nga aksidenti i sotëm në Gjirokastër, ku një 35-vjecar është plagosur rëndë. Shtetasi Menti Çobo nga Berati është aksidentuar nga një betoniere, teksa ishte duke punuar në një kompani private në zonën industriale të Gjirokastrës.
Fillimisht është dërguar në spitalin e Gjirokastrës, por për shkak të frakturave të shumta në pjesën e sipërme të trupit, ai është transportuar me helikopter drejt Spitalit të Traumës në Tiranë për mjekim më të specializuar. Gjendja e tij sipas mjekëve paraqitet e rëndë. Më poshtë njoftimi paraprak i policisë për ngjarjen.
Rreth orës 10:00, duke punuar në një aktivitet privat në afërsi të Zonës Industriale, është aksidentuar shtetasi M.Ç., rreth 35 vjeç, banues në Berat, i cili ishte punonjës në këtë aktivitet privat.
Shtetasi i mësipërm u transportua për spitalin e Traumës, Tiranë.
Në vëndngjarje ndodhet grupi hetimor dhe po punon për zbardhjen e plotë të ngjarjes.
