Drejtoria Vendore e Policisë Gjirokastër ka bërë bilancin e punës për muajin tetor 2019. Përmes një njoftimi, policia thotë mes të tjerash se gjatë tetorit ka vendosur 1059 gjoba dhe ka bllokuar 4 makina.
Raporti
Strukturat e Policisë Gjirokastër gjatë muajit tetor kanë qenë të angazhuara në parandalimin, evidentimin dhe goditjen e paligjshmërisë.
● Gjatë muajit Tetor 2019 në të gjithë qarkun janë proceduar penalisht 71 shtetas, nga këta: 8 janë të arrestuar, 53 ndiqen në gjendje të lirë, 9 janë ndaluar dhe 1 shtetas është shpallur në kërkim.
● Janë zhvilluar 2 operacione policore, si rezultat i të cilëve janë ndaluar 7 shtetas.
● Janë arrestuar 2 shtetas për veprën penale “Dhuna në familje”.
● Janë plotësuar 7 kërkesë padi për urdhër mbrojtje të menjëhershëm.
● Janë evidentua 4 raste të “Ndërtimit pa leje” dhe 1 rast i “Prerjes së paligjshme të pyjeve” ku autorët janë proceduar penalisht në gjendje të lirë.
● Janë evidentuar 5 shtetas duke drejtuar automjetet në mënyrë të parregullt , nga të cilët: 1 shtetas është arrestuar dhe 4 janë proceduar në gjendje të lirë. Në drejtim të parandalimit dhe ndëshkimit të shkelësve të Kodit Rrugor janë vendosur 1059 masa administrative dhe janë bllokuar 4 automjete.
● Janë evidentuar 2 raste të “Kalimit të paligjshëm të kufirit”, ku autorët janë proceduar në gjendje të lirë.
● Salla e komandimit në D.V.P. Gjirokastër dhe sallat e komisariateve kanë menaxhuar me sukses 793 telefonata të ardhura nga komuniteti.
● Shërbimet e policisë kanë qenë pranë shkollave me qëllim mbarëvajtjen e proçesit mësimor dhe ruajtjen e rendit dhe qetësisë.
