Gjatë takimit të sotmë në Cakrat të Fierit, kryeministri Rama këmbeu batuta me një prej banorëve të zonës, i cili u identifikua si anëtar i Partisë Demokratike. Rama i kërkoi këtij banori (Xhafo Shenajn), që t’i bënte thirrje Lulzim Bashës për t’u takuar me të, në mënyrë që t’i japin zgjidhje krizës politike. Por pas përdorimit që Rama i bëri këtij banori, reagoi në Facebook Lulzim Basha, i cili postoi një sms në adresë të faqes së tij, sipas të cilit djali i personit në fjalë ka parcela me drogë.
“Njesoj si Ramizi me Vullnetaret e Enverit ne ditet e fundit te regjimit edhe Rama me Vullnetaret e Hashashit ne ditet e fundit te Republikes se Vjeter:
“Per dijeni tenden Kryetar ai qytetari qe bisedonte ne Cakran me Ramen dhe qe bente humor kinez quhet Xhafo Shenaj dhe ka zaptuar token e pronareve te ligjshem. Djali i ketij fshatarit Xhafo Shenaj qe bisedoi sot me Ramen ne Cakran eshte trafikanti dhe kultivuesi me i madh i hashashit ne Cakran. Qe nuk ben asnje pune dhe shetit me makine mbi 50 mije euro. Prandaj dhe ky i bente elozhe Rames dhe ironi Bashes sepse vete Rama e di qe ky Xhafo Shenaj ka parcela te mbjella ne bashkpronesi me Armando Subashin.”, shkruhet në postimin e Bashës.
Më pas kryeministri ka postuar videon e bisedës me banorin nga Cakrani, për të cilin thotë se është sulmuar nga Lulzim Basha.
“Sot isha në Cakran të Fierit, ku ndër të tjerë pata edhe një dialog me zotërinë në videon bashkëngjitur. Jam sinqerisht shumë i keqardhur për të, sepse për shkak të këtij momenti njerëzisht miqësor komunikimi që mund ta shihni vetë, u sulmua egërsisht (madje familjarisht) nga Lulëzim Basha si kriminel e si trafikant i shitur tek krimi!I kërkoj shumë ndjesë zotërisë për fjalorin anormal të kryetarit të PD-së dhe i lutem atij e familjes së tij të mos e marrin seriozisht Lulëzim Bashën që mesa duket e ka humbur fare busullën”, shkruan Edi Rama.
