Kryetari i PD Lulzim Basha në një dalje publike për mediat, duke folur për koronavirusin, tha se mungesa e transparencës të punës së qeverisjes, është një armik vdekjeprurës.
“Opozita ka për detyrë që t’i bëjë thirrje qeverisë që të bëjë transparencën. Opozita është kundër hapjes së panikut, patjetër, por do bëjë transparencë me popullin shqiptar.
Mungesa e transparencës është një armik vdekjeprurës. Duhen më shumë shërbime ndaj njerëzve. Ne bëjmë rolin tonë si opozitë. Ekspertët tanë kanë kaq ditë që apelojnë për marrje masash.
Ata janë qeveria, ata kanë paratë, ata kanë në dorë situatëne mos vazhdojnë me propagandën bajate”, tha Basha.
Lulzim Basha nënvizoi se duhen marrë menjëherë masa sot, që mos të ketë më shumë viktima nesër.
“Duhet që të marrim masa sot, për të mos pasur më shumë vitima nesër. Është cinizëm i madh ta mendosh se lekët që ka buxheti i shtetit mund të shkojnë për njerëzit që kanë nevojë.
Lekët shkojnë tek oligarkët. Shteti duhet t’ju japë më shumë lekë ekspertëve dhe specialistëve, nëse ata kanë fonde të mjaftueshme, ata e dinë se cfarë bëjnë.
Qeveria të mos godasë me opozitën me propagandë, por të nisin masat urgjente për të ndaluar efektet sociale dhe ekonomike që kjo krizë ka tashmë në vend”, u shpreh Basha.
