Kuvendi zgjodhi në seancën e jashtëzakonshme tre anëtarët e Komisionit të Vlerësimit. Ky komisioni do të përfaqësohet nga dy anëtarë të PS, Ulsi Manjai dhe Vasilika Hysi, dhe nga ai i LSI, Luan Rama.
Ndërkohë, u la jashtë Shpëtim Idrizi i PDIU. Ky veprim ka zemëruar së tepërmi kreun e PDIU, parti aleate në koaicionin qeverisës, Shpëtim Idrizin. Menjëherë pas zgjedhjes së anëtarëve, Idrizi ka dalë nga salla, dhe është parë tepër i tensionuar jashtë dyerve të Kuvendit, nën shoqërinë e Luan Ramës.
Nga ana tjetër, kryetarja e grupit të PDIU, Mesila Doda, pranoi hapur jashtë ambienteve të Kuvendit përçarjen e mazhorancës. Doda tha se, sot, nuk u shkatërrua vetëm marrëdhënia mazhorancë-opozitë, por u tregua çarja brenda vetë mazhorancës.
“Procesi ishte në kundërshtim me procedurën parlamentare. Dua t’iu bëj me dije sot që pas shkresës së ardhur nga kryetari i Kuvendit, në mënyrë të çuditshme erdhën dy kandiatura nga PS, kurse PDIU asnjë përfaqësues. Meta kërkoi nga një përfaqësues, por sot u shkatërrua jo vetëm mazhorancës dhe opozitës, por edhe një çarje brenda mazhorancës. U përjashtua një pjesë e mazhorancës. Asgjë nuk e ndihmon më marrëdhëniet mes aleatëve”, tha Doda
