Nga Dasho Aliko
Të nderuar qytetarë të Gjirokastrës! Shqiptarët kudo që ndodhen do të jenë dëshmitarë të një ndryshimi të madh të pritshem politik në krye të vendit. Opozita e bashkuar ka përgjegjësinë e madhe të marrë drejtimin e vendit për të treguar se është e aftë që të përmbushë pritshmëritë e mëdha të shqiptarëve të injoruar, varfëruar, përçmuar e nëpêrkëmbur nga një grup kusarêsh në krye të të cilit qëndron koka e krimit shtetëror. Partia Demokratike ne Gjirokastër ka qenë e hapur përherë në shtimin e radhëve të saj, madje kohët e fundit nuk ka munguar interesimi i dhjetëra qytetarëve që i janë bashkuar alternativës sonë si më e besuar, serioze dhe ku dinjitetin njerëzor dhe respektimin e tyre e ka në boshtin themelor të vet. Koha sot është e vyer për të çmuar kontributin e gjithësecilit nga ju për të bërë realitet ndryshimin e pritshëm.
Gjirokastra në shtatë vitet e qeverisjes së Rilindjes ka qenë e braktisur. Zëri ynë, i përfaqësuesve të PD në qendër ka qenë prezent në evidentimin e problemeve të shumta që kanë përjetuar qytetarët e Qarkut tonë. Doktor Tritan Shehu më shumë se kushdo, ka qenë dhe është zëri ynë ku sensibilizimi i tij për atë çfarë po ndodh tek ne, ka marrë rëndësinë e dukshme nga media duke e shndëruar në politikanin që ka qëndruar më afër se kurrëndonjëherë më parë veçse me elektoratin demokrat, por edhe me çdokënd që ka besuar tek ai. Kreu i PD, kryeministri i ardhshëm Lulzim Basha do t’i kthejë Qarkut të Gjirokastres dinjitetin e munguar, atë që çdokush tê majtë apo të djathtë do ta donte për qytetin e tij.
Si kryetar i PD Gjirokastër ju garantoj se zëri juaj ka për të qenë pjesa jonë e pandarë në rrugën e gjatë dhe të vështirë që na pret për të rimëkëmbur ekonominë e vendit dhe tuajën, të shembur nga qeveria kleptokrate e Rilindjes. Një Shqipëri normale ku dinjiteti i qytetarit mos të nëpërkëmbet nga krimi shtetëror ashtu si deri më sot, është ajo çfarë PD ka premtuar dhe premton si sot në opozitë apo dhe nesër si forcë maxhoritare qeverisëse. Ndaj qytetarët e mi gjirokastritë, miqtë e mij tepelenas, përmetarë, dropullitë, këlcyriotë, memaliotë e libohovitë, ju ftoj të jeni dhe t’i bashkoheni ndryshimit të madh dhe të pritshëm qe po troket. Me respekt të madh për ju Dasho Aliko kryetar i PD Gjirokastër.
