Higjiena dhe vetëm higjiena duhet të jenë kujdesi ia parë i një shoqërie në rastin e pandemisë që po kalojmë. Por çfarë populli jemi ne shqiptarët? A kemi ne një higjienë të pastër? Në emisionin “HARD TALK” nga Roland Qafoku, Kabo u shpreh se shqiptarët nuk i kushtojnë rëndësi të veçantë higjienës, dhe arrijnë deri aty ku mund të pështyjnë në rrugë.
-Duhet të rrisim në nivele të larta, kulturën e higjenës. Lëmë shumë për të dëshiruar. Edhe pa qenë pandemia, edhe rreziku viral. Gjysma pështyjnë në tokë. Është një shqetësim normal që na e sjell vetëdija jonë qytetare”, tha ai.
-Si ka mundësi?
“Po pështyjnë në tokë, shfryjnë hundët dhe i fshijnë pa shami. Vjen në konferencë dhe nuk ka shami, nuk ka kartopecetë. Ose teshtin dhe nuk e kthen kokën nga ana tjetër të thotë “ndjesë”. Apo kollitet dhe nuk vë dorën përpara. S’duam ta nxijmë fare realitetin por në raste të tilla, të një rreziku të tillë, kjo përhapet në mënyrë të frikshme”, tha ai.
Kabo ka folur dhe për Sigurimin e Shtetit dhe debatin mbi Camajn e Koliqin.
-Jeni të bindur për atë që thuhet se Camaj dhe Koliqi kanë qenë bashkëpunëtorë të disa shërbimeve sekrete?
-Po ça më duhet mua kjo sot? Bashkëpunëtorët e Sigurimit të Shtetit nuk përjashtohen me ligj nga parlamenti shqiptar, ju merreni me Martin Camajn. E kuptoni çfarë krimi bëhet? Ka një projektligj në parlament që drejtuesit e lartë të administratës dhe të Sigurimit të Shtetit të mos përfshihen në politikë. Një ligj që fle në sirtarët e parlamentit shqiptar. Po sa ka sot që marrin fonde nga Sorosi? Pas 50 vjetësh si do themi ne? Ata ishin bashkëpunëtorë të George Soros. E njeh historia e njerëzimit këtë.
Nuk është njësoj Sorosi me Sigurimin e Shtetit.
-Po ku e dimë ne. Mund të dalë dhe më i keq.
