Erdogan i telefonon Merkelit: Mbështetja e disa vendeve për Greqinë, e padrejtë

Tensionet në rritje në Mesdhe mes Greqisë dhe Turqisë kanë qenë objekt i diskutimeve të ditëve të fundit të diplomacive më të mëdha botërore. Për këtë motiv, zyra e Erdogan bën me dije se presidenti ka zhvilluar një bisedë telefonike me kancelaren gjermane Angela Merkel. Presidenti Erdogan e ka quajtur të papranueshëm dhe egoist mbështetjen që disa vende i kanë dhënë Greqisë për tensionet në Mesdhe. Ankaraja dhe Athina prej disa kohësh janë përfshirë në një debat të ashpër për burimet e mundshme të hidrokarbureve në këtë zonë, që buron nga një konflikt që i ka rrënjët te zgjerimi i shelvit kontinental.