Nëse deri deri dje llogaritë bankare të Charles “Chuck” Feeney, themeluesit të ‘Duty Free Shoppers’ kishin vlera të majme, këtë mëngjes 89 vjeçari është gdhirë pa asnjë kacidhe.
Nuk bëhet fljalë për ndonjë sulm kibernetik, apo grabitje por pa hezituar aspak ish-miliarderi i ka dhënë të gjitha miliardat e tij për bamirësi.
Gjatë gjithë karrierës së tij Feeney ka bërë pafund bamirësi dhe shpesh këto dhurime ishin në mënyrë sekrete. Jeta e tij nuk ka qenë asnjëherë si e miliarderëve të tjerë, pasi biznesmeni ka preferuar të jetë tejet modest duke jetuar në një apartament të thjeshtë në San Francisco.
Gjatë katër dekadave të fundit, Feeney ka dhuruar më shumë se 8 miliardë dollarë për bamirësi, universitete dhe fondacione në të gjithë botën përmes fondacionit të tij, Filantropitë e Atlantikut. Shumica e këtyre bamirësive kanë qenë në mënyrë anonime.
Më 14 shtator 89 vjeçari i zbrazi të gjitha llogaritë e tij duke i dhuruar për bamirësi dhe ai nuk mund të ishte më i lumtur se kaq.
