Vajzat “VIP” shqiptare, gjithmonë e më shumë po shoqërohen me “të fortë”, të cilët iu sponsorizojnë jetën luksoze që bëjnë. Por jo vetëm kaq. Duke qenë se ato janë të famshme dhe nuk ndalohen nga policia, tani po përdoren edhe për drogë e armë.
Fillimisht pak kohë më parë u ndalua Oriola Marashi, ndërsa tani kemi rastin e këngëtares Fjolla Morina, e cila u kap duke transportuar dy pistoleta nga Prishtina në Tiranë. Vetë ajo është kondradiktore në ato që thotë.
“Jam nisur nga Kosova me makinën time për në Tiranë, pasi kam për të bërë muzikë dhe në makinë kam pas me vete dhe persona të tjerë, të cilët quhen Fitim Muji, i cili është shoferi im dhe Fisnik Syla, i cili është shoku im dhe rreth orës 02:10 minuta jemi futur në Pikën e Kalimit Kufitar të Kontrollit në Morinë Kukës.
Gjatë kontrollit më kanë gjetur pistoletën dhe fishekët në çantën dhe në makinë dhe këtë pistoletë e kam pas në njërën prej çantave, se unë kam tre çanta me vete se jam nis për Tiranë për këngë dhe këtë e kam pas prej kohësh se ma ka bërë dhuratë dikush. Një miku im nga Gjermania, i cili sot nuk jeton më,”- tha ajo, sipas gazetës Express.
Fjolla Morina ndërkohë u shpreh se personat që e shoqëronin nuk ishin në dijeni që ajo kishte me vete armë. Madje, shtoi se edhe vetë nuk e dinte që armën e kishte në çantë. “Deklaroj se nuk dinin gjë se unë kam pistoletë dhe as unë vetë nuk dija se kam në çantën e dorës pistoletë,”– deklaroi këngëtarja.
Në pyetje gjithashtu janë marrë në pyetje dhe dy personat që e shoqëronin, shoferi i sak Fitim Muji dhe biznesmeni 29-vjeçar Fisnik Syla.
“Jemi vetëm shoqëruesit e Fjollës, pasi ajo kishte për të shkuar në Tiranë për muzikë dhe nuk e dinim që ajo kishte këto pistoleta në çantën e dorës dhe në makinën e saj…”- deklaruan ata në polici.
Këngëtarja pritet të dalë të martën përpara gjykatës për t’u njohur me masën e sigurisë. Rasti i saj, na tregon edhe njëherë se si po përdoren vajzat e show bizz-it shqiptar, edhe për trafiqe. Fundja duhet të japin diçka në këmbim të jetës luksoze që bëjnë.
