Një 23-vjeçare ka humbur kontrollin e makinës ditën e sotme në Vlorë dhe është përplasur me 6 automjete të parkuara.
Policia bën me dije se ngjarja ka ndodhur rreth orës 12:55, në lagjen “Isa Boletini”, Vlorë.
“Shtetasja H. M., 23 vjeçe, duke drejtuar automjetin tip “Volkswagen”, dyshohet se ka humbur kontrollin mbi drejtimin e tij dhe si pasojë është përplasur me 6 automjete të parkuara, ku janë shkaktuar dëme materiale”, thuhet në njoftimin zyrtar.
Shtetasja H. M, aktualisht ndodhet në spital, jashtë rrezikut për jetën. Grupi hetimor po punon për përcaktimin e shkakut të aksidentit.
