Një aksident ka ndodhur në autostradën Lushnje-Fier, në afërsi të Pushimit të Shoferit. Një motoçikletë në të cilën udhëtonin dy bashkëshortë është prekur me pasqyrë nga një mjet që i parakaloi, duke humbur kontrollin. Të dy bashkëshortët janë transportuar në spitalin e Lushnjes dhe janë nën kujdesin e mjekëve, jashtë rrezikut për jetën.
Në vendngjarje ka shkuar Policia Rrugore si dhe grupi hetimor për dokumentimin e ngjarjes. Drejtuesi i mjetit që shkaktoi aksidentin nuk ka ndaluar dhe për këtë arsye grupi hetimor po punon me kamerat e sigurisë të bizneseve të shumta të zonës.
Sipas informacioneve ata kanë qenë në rrezik për jetën, pasi mund të shtypeshin nga mjete të tjera që kalonin aty. Sipas bluve të qarkullimit, është gjetur pasqyra e mjetit që shkaktoi aksidentin dhe po kryhen hetime. Dy bashkëshortët janë banorë të fshatit Krutje e Poshtme dhe po ktheheshin nga puna për në banesë.
