Aksident në Fushë-Arrëz/ Makina përplas dy turistët sllovenë, humb jetën një prej tyre

Një aksident i rëndë, me pasojë jetën e një 63-vjeçari nga Sllovenia ndodhi në aksin rrugor Fushë Arrëz-Kryezi- Iballe.
Mësohet se dy turistë nga Sllovenia teksa po lëviznin me motor u përplasën me një automjet.
Njëri nga turistët ndërroi jetë rrugës për në spital, ndërsa tjetri po merr ndihmë mjekësore në Spitalin e Pukës.
Grupi hetimor ndodhet në vendin e ngjarjes dhe po punon për sqarimin e rrethanave të aksidentit.