Një aksident rrugor është regjistruar rreth orës 17:30, në aksin rrugor “Gjirokastër-Kakavijë”, në vendin e quajtur “Kthesa e Viroit”, ku një motomjet është përplasur me një kamion.
Drejtuesi i motorit, një 34-vjeçar grek ka mbetur i plagosur. Ai është transportohet me helikopter drejt Tiranës për mjekim më të specializuar dhe momentalisht ndodhet jashtë rrezikut për jetën.
Sipas të dhënave paraprake, dyshohet se aksidenti ka ndodhur pasi motori ka hyrë në korsinë ku po qarkullonte mjeti i rëndë, duke shkaktuar përplasjen.
Drejtuesi i automjetit tip kamion, u shoqërua në komisariat, për veprime të mëtejshme.
Policia ndodhet në vendngjarje dhe po punon për zbardhjen e plotë të rrethanave dhe shkaqeve të aksidentit.
NJOFTIMI I POLICISE
Rreth orës 17:30, në aksin rrugor “Gjirokastër-Kakavijë”, në vendin e quajtur “Kthesa e Viroit”, automjeti tip kamion me drejtues shtetasin E. K., 54 vjeç, banues në Gjirokastër, është përplasur me motomjetin me drejtues shtetasin grek J. K., 34 vjeç.
Si pasojë është dëmtuar 34-vjeçari, i cili është transportohet me helikopter drejt Tiranës për mjekim më të specializuar dhe momentalisht ndodhet jashtë rrezikut për jetën.
Drejtuesi i automjetit tip kamion, u shoqërua në komisariat, për veprime të mëtejshme.
Grupi hetimor po kryen veprimet për zbardhjen e rrethanave të aksidentit.
