Një aksident rrugor është regjistruar mëngjesin e sotëm në aksin nacional Tepelenë–Krahës, në vendin e quajtur “Mogila”, në territorin e Bashkisë Memaliaj.
Sipas informacionit paraprak të Policisë, rreth orës 06:30, një automjet që drejtohej nga shtetasi K. Ç., 67 vjeç, banues në Elbasan, është përplasur me një automjet taksi, me drejtues shtetasin K. R., 28 vjeç, banues në Tiranë.
Si pasojë e përplasjes janë dëmtuar drejtuesi i taksisë dhe tre pasagjerë, të cilët janë transportuar në Spitalin Rajonal Gjirokastër, ku po marrin ndihmën mjekësore dhe ndodhen nën kujdesin e mjekëve.
Në vendngjarje kanë mbërritur shërbimet e Policisë dhe grupi hetimor, i cili po kryen veprimet procedurale për të zbardhur shkaqet dhe rrethanat e aksidentit.
