Një aksident me vdekje ka ndodhur në Ksamil, në vendin e quajtur “Pema e Thatë”.
Si pasojë e aksidentit ka humbur jetën rrugës për në spital drejtuesi i një furgoni, shtetasi Antonio Mateli rreth 20 vjeç, banues në Ksamil.
Forca të shumta policie në vendin e ngjarjes për zbardhjen dhe dokumentimin e plotë të saj.
Policia ka reaguar në lidhje me aksidentin e rëndë, duke dhënë edhe detaje. Sipas uniformave blu, makina që u përfshi në aksident drejtohej nga një 22-vjeçar. Drejtuesi i automjetit është plagosur gjithashtu nga aksidenti e është dërguar në spital për kurim.
20-vjeçari që mbeti viktimë në ngjarje ishte pasagjer në mjet.
Njoftimi
Ksamil/ Informacion paraprak
Rreth orës 18:10, në rrugën e Plazhit, në zonën e Lagunës, Ksamil, një automjet tip “Benz”, me drejtues shtetasin A. Gj., rreth 22 vjeç, ka humbur kontrollin dhe ka dalë nga rruga.
Si pasojë e aksidentit, ka humbur jetën në vendngjarje pasagjeri i automjetit, shtetasi A. M., rreth 20 vjeç.
Drejtuesi i automjetit është transportuar në spital për ndihmë mjekësore dhe, sipas informacionit paraprak, ndodhet jashtë rrezikut për jetën.
Grupi hetimor ndodhet në vendngjarje dhe po vijon punën për dokumentimin e rrethanave të aksidentit, si dhe për përcaktimin e shkakut të tij.
