Dy gra nga Lazarati kanë humbur jetën nga një aksident fatal që ndodhi sot në fshatin Jorgucat. Mjeti tip “Nissan”, me targa GJ 0524 A, me drejtues shtetasin Leonidha Klemo, banues në Grapsh, ka goditur tre shtetase të cilat lëviznin me këmbë në anë të rrugës. Sipas policisë, dy viktimat janë H.Ç, 40 vjeçe, S.K, 38 vjeçe, banuese në Lazarat. Ndërsa gruaja tjetër e plagosur është P.Gj 40 vjeçe, po nga Lazarati. Ajo ndodhet në spital jashtë rrezikut për jetën. Rrethanat e ngjarjes janë ende të paqarta, ndërsa policia ka arrestuar shkaktarin e aksidentit. Vijon puna për zbardhjen e plotë të rrethanave të ngjarjes. ArgjiroLajm.net sjell foto ekskluzive nga vendi i ngjarjes.
©ArgjiroLajm.net
