Një incident me makinë ka ndodhur mëngjesin e sotëm në Lushnje, në afërsi të poliklinikës në qendër të qytetit, ku ka mbetur i lënduar një person.
Një mjet i drejtuar nga një shtetase rreth të 56 vjeçe, ka përplasur një kalimtar teksa dilte nga parkimi me mjetin e saj.
Ajo raportohet se ka hipur mbi trotuar dhe pasi ka marrë para një tezgë, ka goditur dhe qytetarin.
I lënduar ka mbetur një 70-vjeçar dhe pasi është mjekuar nga mjekët e poliklinikës është dërguar me ambulancë në spitalin e Lushnjes.
Policia ka mbërritur në vendngjarje dhe po heton shkaqet e aksidentit.
Sipas deklaratave të drejtueses së mjetit tip Benz, me targa AA 078 XE, ka ngatërruar marshin, dhe në vend të dilte mbrapsht ka hipur mbi trotuar dhe ka shkaktuar aksidentin.
