Për aksidentin e ndodhur mbrëmë në Gjirokastër policia ka arrestuar shoferin e automjetit që përplasi motorin. Ndërkohë në gjendje të lirë po hetohet edhe motoristi që shpërndante pica, pasi nuk kishte leje drejtimi. I riu mësohet se ndodhet në spital jashtë rrezikut për jetën edhe pse mbrëmë nga raportimet e para u tha se gjendja e tij ishte jo e mirë.
NJOFTIMI POLICISE
Specialistët e Seksionit të Trafikut Interurban dhe Urban arrestuan në flagrancë shtetasin G. G., 56 vjeç, banues në Gjirokastër, pasi në aksin rrugor Gjirokastër-Kordhocë, në afërsi të vendit të quajtur “NSHN” është përplasur me motoçikletën me drejtues shtetasin F. M. Për pasojë është dëmtuar drejtuesi i motoçikletës, i cili ndodhet jashtë rrezikut për jetën. Gjithashtu nisi procedimi penal në gjendje të lirë për shtetasin F. M., pasi drejtonte motoçikletën, pa leje drejtimi. Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.