Ka ndërruar jetë sot një nga bashkëshortët që u plagosën rëndë dje në aksidentin e Levanit, e pikërish gruaja 65-vjeçare Fatbardha Hila. Bashkëshorti i saj vazhdon të jetë në gjendje të rëndë.
Një aksident me pasojë plagosjen ka ndodhur në autostradën Levan-Tepelenë pasditen e së dielës.
Dy shtetas, burrë e grua, kanë humbur kontrollin e automjetit duke dalë nga rruga. Si pasojë janë plagosur të dy dhe ndodhen në spitalin e Fierit për trajtimin e nevojshëm
“Në datën 24.12.2017, ora 16:40, në autostradën Levan-Tepelenë, në fshatin Varibop, shtetasi K.H, 70 vjeç, banues ne fshatin Varibop, Fier duke drejtuar mjetin tip “Volkswagen” ka humbur kontrollin dhe ka dalë nga rruga duke përfunduar në kanal,” shkruhet në njoftimin e policisë.
Për pasojë është dëmtuar drejtuesi i mjetit dhe bashkëshortja e tij që ndodhej në mjet shtetesja F.H, 65 vjeçe, të cilët ndodhen në Spitalin Rajonal Fier nën kujdesin e mjekëve.
Grupi hetimor po punon për zbardhjen e shkakut të ngjarjes.
