Në ditët e acarta të dimrit, një ndër problemet që ju shqetëson më shumë në mëngjes sigurisht që është bora apo akulli në makinën tuaj. Është e rëndësishme që të pastroni siç duhet akullin nga makina përpara se të niseni për rrugë. Nëse e drejtoni makinën tuaj me akull që mbulon xhamin, mund të rrezikoni veten dhe të tjerët. Shumë aksidente kanë ndodhur për këtë shkak.
Për të pastruar duhet të përdorni solucione specifike që pastron sipërfaqet e xhamit nga bora dhe akulli ose një kruese të përshtatshme për të pastruar të gjithë sipërfaqen e xhamit të përparmë plotësisht.
Asnjëherë nuk duhet të përdorni ujë të vluar për të shkrirë akullin në makinë. Solucionet speciale janë më efektive dhe nuk rrezikojnë qëndrueshmërinë e xhamit në të ardhmen. E njëjta gjë vlen edhe për uthullën, duhet ta shmangni në mënyrë kategorike.
Përtej kësaj ka alternativa të ndryshme. Truket, përdorimi i ujit dhe alkoolit. Sipas meteorologut Ken Weathers, gjithçka që duhet të bëni është të përzieni 2/3 pjesë të alkoolit dhe 1/3 e ujit në një shishe. Sapo të spërkatni me këtë xhamin, akulli do të zhduket menjëherë.
