Jasir Asani do të vazhdojë aventurën e tij me Esteghlal. Sulmuesi i Kombëtares shqiptare ka arritur marrëveshjen me klubin iranian dhe do të jetë sërish pjesë e skuadrës edhe për sezonin e ri.
Pak ditë më parë u raportua se palët kishin ndërprerë bashkëpunimin, por zhvillimet e fundit kanë ndryshuar situatën dhe Asani ka vendosur të rikthehet te kampionët iranianë.
Esteghlal investoi rreth 850 mijë euro për ta transferuar nga Gwangju në verën e kaluar, ndërsa 30-vjeçari e shpërbleu besimin me 13 gola dhe 29 paraqitje në të gjitha kompeticionet.
Asani nuk ka zbritur në fushë që nga fundi i muajit shkurt, pasi konflikti në Lindjen e Mesme solli pezullimin e aktiviteteve futbollistike në Iran. Megjithatë, sulmuesi shqiptar zgjodhi t’i qëndrojë besnik klubit, duke konfirmuar tashmë vazhdimin e bashkëpunimit me Esteghlal.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
