Atlético-Barça; momenti i së vërtetës për blaugranat

Atletico Madrid-Barcelona do të luhet sonte, prej orës 21:00, në “Wanda Metropolitano” të Madridit. Sfida midis titanëve spanjollë është në kuadrin e javës së 10-të të La Liga. Dy skuadrat ndahen nga gjashtë pikë në renditjen aktuale (“colchoneros” janë përpara).
Katalanasit dhe kryeqytetasit kanë luajtur nga shtatë ndeshje deri më tani. Djemtë e Simeone janë ende të pamposhtur dhe mund të mburren me mbrojtjen më të mirë të kampionatit, me vetëm dy gola të pësuar; një nga pikat e forta historike të ekipeve të stërvitura nga “Cholo”.
Dy humbje të Blaugrana-ve, ende të “ngujuar” në kuotën e 11 pikëve. Performancë nën pritshmëritë jashtë shtëpie në kampionat, ku ka marrë vetëm një fitore (në fushën e Celta Vigo). Tre precedentë të sezonit të kaluar regjistruan: një barazim dhe një fitore për secilën skuadër, përfshirë 2-3 e Atletico Madridit ndaj Messit dhe shokëve të tij në gjysmëfinalen e Superkupës Spanjolle.
Simeone nuk do të jetë në gjendje të llogarisë një ish-katalanas, Luis Suarez, i cili doli pozitiv për koronavirus sa ishte në kombëtaren e Uruguajit. Correa i mbështetur nga Joao Felix do të veprojë në qendër të sulmit. Saul dhe Koke në mesfushë; Savic dhe Gimenez përpara portierit Oblak, me Trippier dhe Lodi në krahë të mbrojtjes.
Koeman duhet të bëjë pa Busquets dhe Ansu Fati, të dëmtuar. Talenti i lindur më 2002 nuk do të jetë në dispozicion përsëri para marsit, pas operacionit në menisk. Pjanic do të luajë nga minuta e parë, shoqëruar nga De Jong, përpara treshes së mesfushorëve-sulmues të formuar nga Dembélé, Griezmann dhe Coutinho, në mbështetje të Messit.
Ja formacionet e mundshme:
ATLETICO MADRID (4-4-2): Oblak; Trippier, Savic, Gimenez, Renan Lodi; Marcos Llorente, Koke, Saul, Carrasco; Joao Felix, Correa.
BARCELLONA (4-2-3-1): Ter Stegen; Dest, Piqué, Lenglet, Jordi Alba; De Jong, Pjanic; Dembélé, Griezmann, Coutinho; Messi.