Trajneri i Vorës, Arjan Bellaj komentoi barazimin 1-1 ndaj Flamurtarit.
“Dua të përgëzoj çunat se kishim ndeshje që nuk kishim këtë shpirt, sidomos në pjesën e parë. Për cilësinë që treguan në pjesën e parë. Kemi cilësinë të luajmë, të bëjmë presing lart. Besoj se nuk kishim probleme, por për atë që nxorëm dua t’i përgëzoj sespe u kthyen te Vora që dua. Dhe në mbajtjen e topit. Këto i kishim humbur se 1 pikë me Flamurtarin te kjo fushë dhe stadium i përkryer, është si 3 pikë për ne.
Nuk dua të lidhem fare me mungesat. Nuk është se vetëm na mungojnë, kush është dëmtuar, është zëvendësuar dhe ai që ka ardhur e ka bërë pothuajse njësoj. Jam i kënaqur, me të gjitha këto ekipe që kemi luajtur, kemi treguar që mundemi. Dy ekipe që na mundën shumë thjesht dhe na dominuan, ishin Egnatia dhe Dinamo.
Nuk mundëm të bëjmë presing, siç sot që kapëm 3 stoperat të mos lejonim Flamurtarin të ndërtonte lojë.
Nuk e kishim përgatitur kështu ndeshjen me topa të gjatë, por kur pamë fushën që mund të gabonim dhe me topa të kthyer te portier, pastaj dhamë urdhër që kur jemi në rrezik, ta kalojmë gjithmonë përpara. Ato topa që shkuan, besoj nuk u bënë mirë. Ishte ekipi i zgjatur.
Dolën disa herë futbollistët e Flamurtarit nga krahu ynë i djathtë për të shënuar. Bardhi ka luajtur të gjitha ndeshjet, i dimë kush janë të ngarkuar. Prandaj i bëjmë ndërrimet. Ajo që nuk kam munduar deri tani, është Kasalla.
Duke bërë analizën e Flamurtarit, gjatë gjithë javës punuam që Bardhin dhe Marjon t’i kishim midis linjave. E dinim ku kishte defekte Flamurtari. Mbulimi i Trashit me Xhuljon, vetëm pjesën e dytë bëri 2-3 krosa. Këtë kishim punuar.
Në pjesën e parë, topat e dytë duhet t’i fitonim më shumë pasi aty na erdhi problemi në ndeshjen sot.
Jam i kënaqur, pasi ata nuk janë vetëm për të shënuar. Mbrojtja fillon nga ata. Në momentin që ndihmojnë ekipin e tyre të mos lodhet, për mua është më e mirë. Bardhi, Kasalla dhe Karrica kur e kishim, ishim më të lirë. Për të shënuar i kanë pasur mundësitë, por duhet punuar te kjo pjesë. Nuk jemi perfekt. Nëse nxjerrim shpirtin si sot me Flamurtarin, do vazhdojmë kështu dhe duke mos humbur dhe me ekipet që janë për Final Four”,
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
