Një situatë e pazakontë dhe shqetësuese për sa i përket situatave financiare ka qenë temë diskutimi për klubin e Barcelonës në muajt e fundit.
Pretendohet se gjigandët katalanas u kanë kërkuar kompanive Goldman Sachs, Allianz, Barings, Amundi dhe Prudential të vonojnë borxhet e papaguara në mënyrë që klubi të shmang procedurat e falimentimit.
Barcelona thuhet se ka një kapital punues negativ prej 600 milion euro dhe ka borxhe të pashmangshme prej 300 milion €, të cilat ata kanë kërkuar të vonohen. Llogaritë e klubit tregojnë se borxhi i Barcelonës ishte dyfishuar gjatë sezonit 2019-20, e kjo gjë është jashtëzakonisht shqetësuese.
Shifrat financiare të klubit, siç përshkruhet nga Marca në fund të vitit të kaluar, treguan se borxhi në klub është rritur nga € 217 milion (qershor 2019) në 488 milion € (qershor 2020). Përderisa skuadra e parë e klubit është dobësuar këtë vit, me një reduktim prej 80 milion eurove nga fatura e pagave, ka ende një perspektivë financiare shqetësuese për klubin.
Zgjedhjet presidenciale të klubit janë vonuar për shkak të pandemisë Covid-19, duke shtuar një shtresë tjetër të pasigurisë dhe vonesës së situatës./e.c.
