Bashkia Vlorë ka hapur një thirrje për projekt-propozime për realizimin e materialeve promocionale video dhe infografike, me një fond prej 1.5 milionë lekësh, ose 15 milionë lekë të vjetra.
Projekti parashikon realizimin e 5 videove promocionale me fokus te destinacionet turistike, trashëgimia kulturore, natyra, gastronomia dhe aktivitetet e Vlorës, si dhe 10 infografika profesionale për përdorim në rrjetet sociale, website, ekrane LED dhe materiale të tjera promovuese.
Në një kohë kur për Vlorën postohen me mijëra video çdo ditë nga qytetarë, blogerë, turistë dhe përdorues të rrjeteve sociale nga Shqipëria e më gjerë, Bashkia ka parashikuar një fond prej 15 milionë lekësh të vjetra për prodhimin e këtyre materialeve promocionale.
Sipas thirrjes, videot do të realizohen me standarde profesionale, përfshirë xhirime 4K, pamje ajrore me dron, montazh, grafikë dhe titra në shqip e anglisht.
