Financimi rus i PD, në kohën kur drejtohej nga Lulzim Basha, ka qenë çështja e ditëve të fundit në opozitën shqiptare. I ftuar në “Radar Informativ”, deputeti demokrat Belind Këlliçi kërkoi transparencë dhe tha se ka qenë një vendimmarrje personale e Bashës. Ai gjithashtu risolli në kujtesë akuzat e Lulzim Basha nuk mund të shkojë në SHBA dhe shkak për këtë mund të jetë edhe financimi rus.
“Për një çështje aq të rëndësishme do ishte mirë që i pari të reagonte vetë zoti Basha.
Po flasim për raportim zyrtar të VOA. Unë gjykoj që duhet të bëhet transparencë. Është në të mirë të zotit Basha dhe kushdo ka qenë në krye të zinxhirit drejtues të bëjnë transparencë. Personat përgjegëjs duhet të mbajnë përgjegjësi.
Nuk ka pasur askush informacion në PD për këtë çështje. Unë nuk kam pasur informacion, kam qenë në kryesi dhe kryetar i FRPD. Në dijeninë time ka qenë një vendimmarrje e tij personale. Se ça ka bërë, do ishte mirë të bëhej transparencë
Duhet ta ndajmë përgjegjësinë. Nuk mund të fajësosh një parti të tërë. Ndarjen mund ta bëjmë duke i shkuar deri në fund dhe me transaprencë kësaj çështjeje, kush janë personat që kanë qenë prapa kësaj historie. Çdo deputet, apo ish-deputet, apo votues i PD duhet të distancohet nga kjo “patate e nxehtë”. Mua më intereson që kjo thashethemnajë të marri fund një orë e më parë.
Unë nuk kam paguar asnjë qindarkë për lobim dhe nuk është normale që një forcë në opozitë të paguajë 1 mln dollar për lobim, për të bërë një foto me presidentin e SHBA-ve.
Për këtë bëni mirë të pyesni zotin Basha. Unë di që nga viti 2017, nuk ka ndonjë udhëtim të Bashës në SHBA. Vitin e kaluar me gjithë mbështetjen që mori, nuk shkoi dot në SHBA. Si ka mundësi që ky politikan, ky “rising star” i diplomatëve amerikanë, ka 5 vite gjysmë që nuk shkon dot, si nuk shkoi dot vjet kur kishte nevojë për të treguar dhe për të bërë një foto me zyrtar të DASH në Uashington?
Basha nuk udhëton dot në SHBA, as për qejfin e tij. Kjo tregon që ka një problem. Nëse e kemi ne gabim, edhe BBC edhe VOA dhe inteligjenca amerikane e kanë gabim, po të dalin e të thonë e kemi gabim”, tha Këlliçi?
