Kandidati i Partisë Demokratike për Bashkinë Tiranë, Belind Këlliçi, nuk e ka shmangur një shtrëngim duarsh mbrëmjen e sotme me Prefektin e Tiranës, Afrim Qëndro. Fotot e këtij momenti i ka publikuar ky i fundit në faqen e tij në Facebook. Takimi dhe shkëmbimi i batutave ndodhi gjatë eventit “Sofra Tiranase”, një organizim i përvitshëm që promovon dhe shpalos vlerat më të mira të kryeqytetit të Shqipërisë.
Edhe pse nuk është ndonjë ngjarje e madhe përshëndetja mes tyre, si moment merr kuptim të vecantë duke qenë në prag të fushatës së zgjedhjeve lokale të 14 majit. Kujtojmë që Afrim Qëndro është Sekretar Organizativ i Partisë Socialiste në Tiranë dhe një nga njerëzit e afërt të kryebashkiakut Erion Veliaj, rivalit direkt të Belind Këlliçit. Por me sa duket “Sofra Tiranase” ka kaq shumë bujari sa përplasjet politike lihen mënjanë qoftë dhe sa për një shtrëngim duarsh e një foto rasti. ©argjiroja.net
