Kryetari i Partisë Demokratike, Sali Bveirsha ka mbajtur fjalën e tij në protestën e sotme të opozitës. Kryedemokrati duke kujtuar ngjarjen e 35 viteve më parë ku u rrëzuar shtatorja e Enver Hoxhës, shprehu nderimin e tij për protestuesit e asaj kohe. Protestues të cilët, sipas Berishës nuk e mendonin se 35 vite më pas do të ndodheshin sërish përballë një regjimi shumë të ngjashëm me atë të diktatorit Hoxha.
Më tej, Berisha tha se përveç nderimit për 20 shkurtin e 1991, sot ajo datë frymëozn demokratët në zotimin se Rama i ka orët e numëruara. Berisha tha se shqiptarët sot po vidhen nga Rama dhe njerëzit e tij si kurrë më parë, duke u ndalur te inceneratorët, me të cilët Erion Veliaj voshgi qindra milionë euro.
“20 shkurti është dita në të cilën 35 vite më parë, mijëra qytetarë të mbledhur në Qytet Studenti në mbështetje të grevës së studentëve për të çliruar kombin dhe vendin nga kulti i satanit, nën thirrjen e artistes Rajmonda Bulku dhe protestuesve nisen drejt sheshit “Skënderbej” të rrethuar nga të katërta anët me autoblinda, mitralozë, snajpera në një betejë që shenjon kulmin e guximit të qytetarëve shqiptarë. Përmbysën shtatoren, kultin e satanit, Hitlerit shqiptar të pas luftës. Përmbysën regjimin që shtetësoi, perskeutoi, burgosi, ekzekutoi, varfëroi më shumë shqiptarët se çdo pushtues që ata kishin njohur. Nderim përjetë atyre guximtarëve që si luanë u vërsulën mbi shtatoren e diktatorit. 35 vite më parë të gjithë ata që ishin në shesh, kurrë nuk do mendonin se pas 35 vitesh do ndodheshin para një regjimi, sigurisht jo të njëjtë në mënyrë identike, por fatkeqësisht shumë të ngjashëm në shumë aspekte. Nuk mund të besonin se 35 vite më vonë pushtetet e vendit do të ishin në duart e një krimineli të pashembull në histori pas Enver Hoxhës.
Nuk mund të besoni se 35 vite më vonë do të rikthehej farsa zgjedhore e atij që përmbysën. E vërteta është se ne nderojmë sot këtë datë me ndjenjën e mirënjohjes, por dhe me frymëzimin më të madh në zotimin tonë se Edi Rama do t’i ketë kohërat e numëruara. Diktatura hoxhiste ishte një diktaturë e pashembullt në Europë. Ngjashmëritë janë tmerrësisht të hidhura. E vërteta është se ky komb nuk është vjedhur kurrë siç vidhet sot nga Rama dhe qeveritarët e tij. Qindra milionë euro me Erion Veliajn dhe inceneratorët. Edi Rama, ky armik i egër i qenies shqiptare, njësoj si babai i tij shpirtëror, ka vendosur mbi shqiptarët mashtrimin dhe censurën”, tha Berisha.
