Shqipëria do të përballet me Poloninë me 26 mars, në kuadër të play Off të Botërorit. Kuqezinjtë synojnë triumfin e madh, për t’u afruar edhe më shumë drejt ëndrrës Botëror.
Ish-futbollisti i Kombëtares, Redi Jupi i ftuar në emisionin “Oponencë” në News24 tha se ky shans nuk duhet humbur dhe se kjo është gjenerata më e mirë e kombëtares.
“Unë nuk do doja të ishte shansi i fundit, mendoj se është shans i rëndësishëm. Shqipëria ka patur gjithmonë lojtarë të mirë, nuk ka patur yje që kanë kandiduar për Topin e Artë, por futbollistë që kanë luajtur në Serie A, Bundesligë dhe në Premier League kemi patur. Edhe pse kemi patur, me respektin për gjithë gjeneratat, me ato kushte dhe me mënyrën si organizohej Europiani, e bënte të vështirë kualifikimin. Kjo gjenerata që është tani është më e mirë e ndërthurur, kemi disa lojtarë me përvojë, kemi disa të rinj shumë të mirë. Janë elementë që nuk e di a do na bëhen më bashkë”- tha Jupi.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
