Rolando Maran do të jetë trajneri i ri i Kombëtares shqiptare. Ditën e djeshme, trajneri italian u prezantua para mediave në një konferencë shtypi, aty ku foli edhe për aventurën e tij me Shqipërinë, e cila do të jetë e para në rang Kombëtaresh për trajnerin 62-vjeçar.
Ndryshe nga trajneri Silvinjo që si skemë të preferuar kishte 4-3-3, Maran ka një skemë që i përshtatet disa nga lojtarëve kryesorë të Shqipërisë. Trajneri italian preferon të luajë edhe me mesfushorin “10”-sh, në këtë rast mund të ketë më shumë hapësirë për Muçin, por edhe për Bajramin që të rikthehet në pozicionin e tij të preferuar.
Skema që trajneri italian zakonisht përdor, është ajo me 4-3-1-2, ku do të ketë katër mbrojtës, 3 mesfushorë dhe sulmi do të jetë i përbërë nga një mesfushor me tipare sulmuese dhe dy sulmuesë qendre. Në rastin e Maran, dalin jashtë loje dy sulmuesit e krahut, që në fakt shpesh herë në kohën e Silvinjos, kanë qenë improvizime.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
