Një episod i përsëritur me ithtarët e Enver Hoxhës ka ndodhur ditën e sotme në Gjirokastër ku është zhvilluar ceremonia e 75-vjetorit të çlirimit të qytetit nga pushtuesit nazi-fashistë.
Një i afërm i njërit prej të rënëve është shfaqur me foton e diktatorit Enver Hoxha në duar. I moshuari është ngjitur tek lapidari, por nuk ka qëndruar gjatë pasi drejt tij ka shkuar Kudret Alikaj, drejtori i Agjencisë së Kulturës në Bashkinë Gjirokastër.
Personi që mban foton e diktatorit në duar është larguar. Alikaj e kap nga krahu dhe i drejtohet me fjalët. “Po ik tashi më lër rehat,”
Më pas, qytetari rreshtohet me njerëzit e tjerë që mbajnë lule në duar, në kujtim të të afërmve të tyre.Në këtë ceremoni ishte i pranishëm edhe kryebashkiaku Flamur Golemi me drejtues të pushtetit vendor, veteranë, familje të dëshmorëve, etj
