Një çadër si ato që përdoren zakonisht për të fjetur në natyrë ka zënë vend sot në lagjën “18 Shtatori” në Gjirokastër. Nuk do përdoret për ndonjë piknik apo për të strehuar provizorisht dikë, por me ç’mësuam çadra është në funksion të plotësimit të formularëve të Këshillimit Kombëtar të nisur në fillim të këtij viti nga qeveria.
Vendosja e saj aty është bërë nga punonjës të Bashkisë Gjirokastër. Teorikisht s’ka asgjë të keqe të ngresh një infrastrukturë të tillë në funksion të nismës në fjalë, por me çadra të tilla të pazakonta që kanë përdorim tjetër, nuk i shërben sa duhet edhe vetë nismës. E zhvlerëson dhe gati e bën qesharake!
Fare mirë mund të përdoren stenda të ndryshme edhe të branduara pse jo sesa t’i ftosh qytetarët të hyjnë në një çadër si kjo. ©argjiroja.net
