Në shtëpinë e Bayern Munich eliminimi përballë PSG i ka lënë një shije të hidhur. Nga drejtuesit e klubit te trajneri Kompany dhe deri tek lojtarët, pjesa e tyre më e madhe bënë përgjegjës gjyqtarin e këtij takimi, madje mediat raportojnë se së fundmi është depozituar edhe një ankesë zyrtare në UEFA. Përtej këtij mllefi, këtyre detajeve, kjo është një ndeshje që nuk mund të kthehet pas, Bayern nuk i mbetet gjë tjetër vetëm të tentojnë të mbyllin këtë sezon me “dopietë” dhe të nisin punën për të projektuar ekipin për sezonin e ri, pasi siç u shpreh edhe Kompany triumfi në Champions League mbetet një objektiv fiks edhe për sezonin e ardhshëm.
Sipas Sky Sports UK, objektivi kryesor i Bayern për sezonin e ri mbetet Anthony Gordon. Ekipi i Newcastle është i hapur për të dëgjuar ofertat që do të vijnë për sulmuesin anglez, por më parë dëshirojnë të kuptojnë edhe dëshirën e vet lojtarit. Sky Sport zbulon se Bayern Munich ka kërkuar prej kohësh informacione në lidhje me sulmuesin anësor, por përfaqësuesin e lojtarit janë takuar edhe me drejtuesit e Barcelonës, pasi Gordon është i përfshirë edhe në listën e dëshirave të ekipin blaugrana. Ndryshe nga Bayern, Barcelona ka shmangur kontaktet me klubin e Newcastle, një detaj që nuk është pritur mirë nga “qymyrxhinjtë”.
Nuk është një sekret që Bayern dhe Newcastle kanë marrëdhënie shumë të mirë ndërmjet tyre, një detaj që mund të bëjë diferencën gjatë verës. Ekipi anglez është në pozita komode për të negociuar me çdo skuadër pasi Gordon është nën kontratë edhe për 4 vitet e ardhshme. Sulmuesi anglez u transferuar në Newcastle në verën e vitin 2023 për 45 milionë sterlina.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
