Një postim i shpërndarë nga miliarderi David Geffen muajin e kaluar në rrjetin social të super jahtit të tij “Rising Sun”, shoqëruar me diçiturën i “izoluar në Grenadines” shkaktoi jo pak debate.
Pavarësisht nga fakti se mesazhi i tij mund të ketë pasur një tjetër qëllim, të shumtë ishin ata që menduan se miliarderi, duke theksuar se ishte vetizoluar në një super jaht 590 milionë dollarësh përgjatë pandemisë, por përpiqej të dukej se po e bënte atë nga mundimi.
Mirëpo, reagimi ishte aq i fortë, sa më vonë Geffen u detyrua t’a fshijë atë, duke ripostuar një tjetër status, ku shkruante: Unë shpresoj që të gjithë jeni mirë dhe po qëndroni të sigurtë.
Duke nisur nga ajo kohë dhe deri më tani, shumë histori të ndryshme kanë dalë në dritë për të pasurit që janë izoluar në aeroplanë privatë apo për ata që po e kalojnë karantinimin në bordin e një jahti luksoz.
Edhe pse shumë vende kanë mbyllur kufijtë, duke ndaluar udhëtimet nëpër botë, gjithsesi masat e vendosura janë të ndryshme nga njëri vend tek tjetri, por shumë qytetarë pavarësisht kësaj kanë vendosur të qëndrojnë në shtëpi.
Megjithatë, edhe pse diçka kjo e rrallë, ekzistojnë edhe ata pronarë që kanë urdhëruar anëtarë nga ekuipazhi i tyre t’iu çojnë furnizime edhe në të tilla karantina luksi.
Përshembull, Rupert Connor nga Luxury Yacht Group LLC, ka deklaruar: Ne kemi një numër të kufizuar pronarësh jahtesh që kanë zgjedhur të karantinohen në jahtet e tyre. Kjo ndoshta edhe për shkak të kufizimeve të lëvizjeve, pasi nuk ofrojnë shumë liri për të lëvizur ku ata duan.