Ish-futbollisti i Anglisë, David Beckham, priti më shumë se 12 orë në radhë për t’i bërë nderimet Mbretëreshës së ndjerë Elizabeth II. Beckham, i cili mori një OBE(çmim mbretëror për kontributet në art dhe shkencë) nga Mbretëresha në 2003, i tha BBC-së se kishte ndarë ushqime me njerëzit që ishin përreth tij dhe po prisnin në radhë gjithashtu.
“Të gjithë duam të jemi këtu së bashku, të gjithë duam të përjetojmë diçka kur festojmë për jetën e mrekullueshme që pati mbretëresha jonë. Ne po hamë Pringles, sanduiçe, po pimë kafe, po hamë donuts gjithashtu.”
Kur u pyet se si po ia dilte mbanë, ish-kapiteni i Anglisë tha se gjunjët e tij ishin në rregull, por janë shpina dhe këmbët që po i ndjenin efektet e 12 orëve në radhë.
Një grua që ishte në radhë pas tij foli për përjetimin kur pa ish-yllin e Manchester United dhe Real Madrid duke pritur përkrah publikut.
“Respekt i madh për të, ai ka qëndruar me ne dhe ka bërë respektin e tij dhe unë mendoj se kjo është e mahnitshme”. Më vonë, Beckham u shfaq solemn teksa hyri në Westminster Hall për të bërë nderimet e tij.
