Deputeti Kostaq Papa ka zhviluar sot një interpelancë për problemet e shqiptarëve jashtë vendit. Papa ka listuar disa problematika të shqiptarëve ne Greqi, Kosove dhe Serbi, duke thënë se po bëhet një genocid dhe kërkoi ndërhyrjen e qeverisë.
Përgjigjet Papa i mori nga ministrja Spiropali dhe jo nga Rama dhe Cakaj që i kishte ftuar në interpelancë. Ministrja përmendi disa nga nismat, që sipas saj qeveria ka ndërmarrë në ndihmë dhe mbrojtje të shqiptarëve në rajon, por është kundërshtuar nga deputeti Papa.
REPLIKAT NË KUVEND
Papa: Është genocid i padukshëm. Koalicioni në Kosovën Lindore nuk ka substancë konkrete. Duhet harmonizuar faktori shqiptar në terren. Serbia faktorizon serbët në Kosovë dhe defaktorizon, me ndihmën e qeverisë së Tiranës, shqiptarët e Preshevës, të Medvegjëz, të cilët të papërfaqësuar ndihen të shtypur. Medvegja nuk është mbrojtur sa duhet. Çështja shqiptare është penguar nga Tirana, Prishtina, Shkupi, për arsye të atyre në pushtet.
Spiropali: Z. Papa bisedimet diplomatike nuk janë ulje në tryeza baresh dhe përfaqësuesit nuk janë gra, që në përfytyrimin tuaj joshen me një uiski. Duhet ta shikoni fituesin shqiptar në Maqedoninë e Veriut. Ne nuk ndikojmë te rreshtimi politik, por ne veprojmë, ashtu sic kemi vepruar me Luginën e Preshevës, kur për herë të parë bashkuam faktorin shqiptar në një listë të vetme.
Papa: Mos më ndërprisni, nëse kaloj disa sekonda. Duhet krijuar një ministri, duhet dhënë pasaporta shqiptare për të gjithë shqiptarët në këto zona. Duhet reagim i fortë politik dhe diplomatik në cdo rast, investime, ndryshim të përfaqësive diplomatike për të hequr korrupsionin e nepotizmin. Duhet një platformë e shpejtë.
