Ditët e fundit, ministrja Bora Muzhaqi u kritikua jo pak në rrjetet sociale. Kjo, pasi ministrja e Rinisë dhe Fëmijëve tha se si ministre është e detyruar që të përdorë makinën, por qytetarëve u kërkon mos ndjekin shembullin e saj dhe të lëvizin në këmbë ose me biçikleta.
“Unë si ministre e kam të detyruar të vij me makinë. Mund të vij dhe në këmbë, do përpiqem që të vij edhe në këmbë. Unë zakonisht lëviz me biçikletë po… Qytetarët për arsye ambientaliste duket përgjegjësisht të përpiqen të lëvizin në këmbë ose me biçikletë, siç kam pasur bërë unë.
Por nëse duhet, edhe me makinë”. Ishte kjo deklarata që shkaktoi jo pak reagime në rrjetet sociale. Por tashmë që ditët kanë kaluar dhe qeveria ka përgjysmuar edhe karburantin për ministrat, Bora më në fund u shfaq edhe në këmbë.
Ministrja më e re e kabinetit u pa me kolegen e saj, Elva Margariti, teksa i drejtoheshin Parlamentit në këmbë. Nuk dihet nësky ndryshim ka ardhur nga reagimet e forta që ka pasur rreth deklaratës së saj, apo nga përgjysmimi i karburantit nga qeveria, por fakt është që tashmë edhe Muzhaqi lëviz në këmbë, të paktën në Parlament.
