Baroni shqiptar i drogës Met Kanani dhe burrat e tij kanë dalë para gjykatës. Agjencia e lajmeve turke, CNN, raporton se 11 të arrestuarit si pjesë e bandës së të ashtuquajturit baroni shqiptar i drogës, Met Kanani dolën sot para gjykatës Raportohet se në lidhje me këtë çështje ishin të pranishëm në Stamboll edhe një grup i policisë shqiptare. Met Kanani apo i quajtur nga mediat turke si “Eskobari shqiptar” u kap me 1.1 ton kanabis. Ndërsa pak ditë më parë një aksion tjetër antidrogë shkatërroi një magazinë kanabisi që ishte në zotërimin e shqiptarit. Ai akuzohet për trafik të madh kanabisi drejt vendeve të Lindjes, por edhe heroinë drejt vendeve të Bashkimit Europian. “Kanani po ndiqej njëkohësisht nga policitë e disa vendeve të BE-së, ashtu sikurse edhe nga Turqia, por edhe Policia shqiptare. E megjithatë, prej një viti kur ishte regjistruar procedimi penal, pas një informacioni policor, askush deri më 20 mars nuk kishte rënë në gjurmët e tij”, raportojnë mediat turke.