POLICIA E SHTETIT
Një shtetas i shpallur në kërkim nga drejtësia është ndaluar nga Policia e Gjirokastrës, pasi është vetëdorëzuar në Pikën e Kalimit Kufitar Kakavijë.
Sipas njoftimit zyrtar, specialistët për Hetimin e Krimeve Ekonomiko-Financiare ndaluan shtetasin A. O., 54 vjeç, banues në Gjirokastër. Ndaj tij, Gjykata e Gjirokastrës kishte caktuar masën e sigurisë “Arrest në burg”, për veprën penale “Shpërdorimi i detyrës”.
Burime nga policia bëjnë me dije se 54-vjeçari është paraqitur dhe është vetëdorëzuar në hyrje të territorit të Republikës së Shqipërisë, në PKK Kakavijë, ku më pas është bërë ndalimi i tij.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për vijimin e veprimeve të mëtejshme ligjore.
