Njësoj si në të gjithë vendin edhe në qarkun Gjirokastër janë zhvilluar sot zgjedhjet për kreun e ri të PD-së. Një palë zgjedhje ku nuk pritet asnjë surprizë pasi fituesi dihet që është Sali Berisha. Formalisht në garë me të është Ibsen Elezi. Por me ardhjen e Berishës në krye të PD, ndërkombëtarët kanë thënë se do të ndëpresin bashkëpunimin dhe komunikimin. Teksa mbaheshin zgjedhjet, deputeti i PD në Gjirokastër, Tritan Shehu, ka dhënë një prononcim për mediat.
“Sapo votova në Gjirokastër pasi isha në Memaliaj, Tepelenë, Këlcyrë, Përmet. Do vazhdoj edhe në Lazarat për të parë ecurinë e këtij procesi që po ecën mjaft mirë. Krejt i rregullt.
Anëtarët e PD po votojnë në bazë të vullnetit të tyre për kryetarin e ardhshëm të PD që sonte në darkë do bëhet i ditur se kush do të jetë pasi të numërohen skedat e votimit në të gjithë vendin.
I uroj anëtarët e PD për këtë respektim që do na çojë në formatimin e strukturave drejtuese të PD, konsolidimin e saj dhe përballjen me regjimin që duhet shembur. Ndryshe e ardhmja e Shqipërisë është në një dyshim shumë të madh”, tha Shehu.