Një ditë më parë në Kuvendin Kombëtar të PD-së ra në sy fjalimi i fortë i Ibsen Elezit, ish-kryetari i demokratëve në qytetin e Kukësit. Ai lëshoi akuza ndaj Bashës dhe Berishës, për mënyrën se si funksionon PD-ja, në radhët e së cilës ka plot deputetë të korruptuar që kanë shtëpi me vlerë mbi 450 mijë euro. Elezi i vazhdoi akuzat edhe gjatë një interviste për Report Tv, ku ndër të tjera hodhi akuza ndaj LSI-së, për të cilën u shpreh se kishte blerë vota në Kukës përmes një biznesmeni nga Gjirokastra me emrin Cole. Sipas Elezit ky biznesmen bleu në Kukës rreth 13% të votave.
“Për koalicionin me LSI-në duhet t’i lihet anëtarësisë së PD siç premtoi Basha. Kukësi është i djathtë dhe do jetë e PD, por s’duhet të bëjmë gabime. LSI e mbajmë mend në 2013, kur bleu 13% të votave. Solli një biznesmen nga Gjiroktasrta. I bleu në Kukës, ka qenë e tmerrshme. Ne që kemi qenë atje, thoshin të kesh bashkëpunëtor Colen që bleu vota në Kukës? Duhet të heqin dorë nga këto budalliqe, dhe LSI sot denoncon vjedhjen e votës”, tha Ibsen Elezi.
©ArgjiroLajm.net
