Policia ka vazhduar operacionin anti-kanabis në të gjithë vendin, nga toka dhe nga ajri.
Operacioni drejtohet nga vetë Drejtori i Policisë, Haki Çako.
Sipas policisë, kontrolle janë bërë në sera, depo, tunele, magazina, banesa të braktisura, toka private e shtetërore, në sipërfaqe pyjore dhe në kullota.
Po kështu janë bërë kontrolle edhe në të gjithë vijën bregdetare, në basene e ujëmbledhës.
Sipas njoftimit të policisë, në të gjithë vendin gjatë 72 orëve të fundit në zona malore të pyllëzuara janë gjetur të kultivuara dhe janë asgjësuar gjithsej 163 bimë kanabis sativa.
Operacioni masiv do të vijojë pa ndërprerje deri në rikontrollin e plotë të territorit të vendit.
