Deputetja Fatjona Dhimitri ka listuar një sërë akuzash ndaj Akademisë së Shkencave, ndërsa po diskutohej për strukturën organike dhe nivelin e pagave të këtij institucioni. Duke folur nga foltorja e Kuvendit, ajo u shpreh se Akademia e Shkencave kërkon të miratojë nivelin e pagave pa bërë transparente një bordero. Sipas saj, Akademia e Shkencave shpenzon paratë e buxhetit të shtetit për qëllime vetjake të anëtarëve të saj.
Pjesë nga fjala e Dhimitrit
“Propozimi shoqërohet me kosto shtesë financiare dhe konstatohen përcaktime të nivelit të pagave që nuk janë përfshirë në legjislacion,. Përpara se të viheni në radhë hidheni shikimin përtej kartonit që ju dikton kreyministri. Kryetari i paligjshëm i Akademisë së Shkencave shkencave, kërkon të certifikojë vjedhjen në akademi. Nuk paska kurajë të paraqesë strukturën e re. Edhe ne relacion nuk ka një listë shpenzimesh. Po si munden këta zotërinj të mos respektojnë ligjin, për të vënë kontrollin absolut. Në cilin ligj bazohet akademia për pagesën e dhjetëra anëtarëve të komisioneve, kush mban përgjegjësi. Në cilin ligj bazohet kjo akademi Cili është sistemi që kjo akademi aplikon për pagat,. Kërkon të miratojë nivelin e pagave pa bërë transparente një bordero. Ngrejnë institute kërkimore, duke shpenzuar paratë e buxhetit të shtetit. Vendosin praktikën e faljeve të botimeve, fuinksionojnë pa koordinim me universitetet, për të shkuar më tej me mendimet e marra hua dhe i bëjnë të tyre. Si mund të heshte parlamenti për buzimet në Akademinë e Shkencave,. Në vendin tonë Akademia e Shkencave transformohet në çerdhe të shpenzimeve vetjake “, u shpreh Dhimitri.
