Deputetja e Partisë Demokratike, Ina Zhupa ka denocuar ditën e sotme punimet që janë kryer për parkimin nëntokësor në sheshin “Çerçiz Topulli” në Gjirokastër. Zhupa ka publikuar një video ku duket Rama në bisedë me ministren e Turizmit, Mirela Kumbaro dhe atë të Kultures Elva Margariti.
Në bisedë e sipër Kumbaroi i thotë kryeministrit se punimet janë vonuar pak pasi në rrënoja janë gjetur gjetje muresh antike por që sipas saj u sistemuan pastaj. Zhuipa akuzon ministret dhe kryeministrin se kanë shkatërruan trashëgiminë kultorore.
Në fakt e vërteta është ndryshe, por ndoshta Zhupa nuk është e informuar sa duhet. Pas zbulimit të mureve nëntokësore, Këshilli Kombëtar i Arkeologjisë pezulloi fillimisht punimet, por më pas rezultoi se nuk bëhej fjalë për mure antike, por për fortifikime të ndërtuar shumë kohë më vonë. Prandaj u zhbllokua puna për vijimin e investimit që është sot drejt përfundimit.
“Dolën gjetje muresh poshtë po u sistemuan?!! Deklarata shokuese e Mirela Kumbaros teksa i prezanton Rames parkimin nëntokësor në sheshin e Çerçizit në Gjirokastër. Gjetje muresh si mund te sistemohen në parkim nentokesor? Kanë shkaterruar perseri haptazi trashegimi kulturore te nje qyteti te mbrojtur PASURI UNESCO sic eshte Gjirokastra”, shkruan Zhupa në Facebook.